Formula1-i tərk edən Daniel Rikkardo həmyerlisi Oskar Piastriyə vida mesajı göndərib. Rikkardonun karyerasında sonuncu olan Sinqapur qran-prisindən sonra avstraliyalılar dəbilqələrini dəyişdiriblər. Keçmiş RB pilotu dəbilqəsində ayrılıq mesajı da yazıb.
“Oskar, uçmağa davam et, işini yaxşı gör. Sənə daha çox qələbələr arzulayıram”, – deyə Rikkardonun dəbilqəsindəki yazıda deyilir.
Xatırladaq ki, 2024-cü il mövsümünün qalan hissəsində RB heyətində Daniel Rikkardonu Liam Louson əvəz edəcək.
Formula 1 karyerası ərzində Rikkardo səkkiz qələbə qazanıb. O, ilk Azərbaycan qran-prisinin qalibidir. Bakıdakı son yarışda isə Oskar Piastri birinci olub.