Bu gün futbol üzrə Azərbaycan Kubokunda I təsnifat mərhələsinə yekun vurulacaq. Günün yeganə matçında II Liqa təmsilçiləri – “Dinamo” və “Füzuli” üz-üzə gələcəklər.
“Neftçi” Futbol Mərkəzində reallaşacaq qarşılaşma saat 13:30-da başlayacaq. Qalib komanda II təsnifat mərhələsində “Səbail”ə rəqib olacaq.
Azərbaycan Kuboku
13:30. “Dinamo” – “Füzuli”
Hakimlər: Ruslan Quliyev, Səbuhi Əmrahov, Səbuhi Soltanov, Namiq Bəkirov.
Hakim-inspektor: İmanxan Sultani.
Neftçi Futbol Mərkəzi.
Qeyd edək ki, daha əvvəl “Şahdağ Qusar” “Kür-Araz”ı (3:1), “Şəfa” “Saatlı-Araz”ı (2:0), “Şəmkir” “Şəki City”ni (1:0), “Ağdaş” “Lerik”i (4:0), “Şimal” “Qusar”ı (4:1), “Hypers Guba” “Göygöl”ü (3:2) məğlub edərək növbəti raunda yüksəlib.