Ucar şəhərində şahmat üzrə “Təhsil” Respublika İdman Mərkəzinin 6-16 yaş idmançılar arasında zona birinciliyi keçirilib. Yarışda 11 şəhər və rayondan olan 81 şahmatçı müxtəlif yaş qrupları üzrə finala vəsiqə qazanmaq uğrunda mübarizə aparıb.
Üç gün davam edən yarışın sonunda qaliblərin adına aydınlıq gəlib. Ümumi komanda hesabında Göyçay şahmatçıları birinci yerə sahib çıxıb. Ucar və Kürdəmirdən olan iti zəka sahibləri isə müvafiq olaraq, ikinci və üçüncü pilllələrdə qərar tutublar.
Yarışda yüksək yer tutan şahmatçılar dekabr ayında Bakı şəhərində keçiriləcək final mərhələsinə vəsiqə qazanıblar.
BƏHRUZ MUSAYEV