Stiven Karri illik qazancına görə Lebron Ceymsi geridə qoyub. 11 ildə ilk dəfədir ki, “Leykers”in superulduzu Lebron Ceyms bu göstəricidə birinci olmayacaq.
“Qolden Steyt Vorriors”dan olan Karri 2024-25 mövsümü üçün təxminən 155,8 milyon dollar, Ceyms isə 133,7 milyon dollar qazanmalıdır. İllik qazancında Ceymsi keçən sonuncu oyunçu 2012-13 mövsümündə Kobe Brayant olmuşdu. Liqanın ən çox qazanan 15 oyunçusu ötən mövsümlə müqayisədə 11% çox olmaqla ümumilikdə 1,13 milyard dollar qazanacaq. Bu qazanca maaş və sponsorlardan gələn pullar daxildir.
İlk beşlikdə Karri Ceymsdən əlavə Yannis Antetokumbo (103,8 milyon), Kevin Dürant (97,9 milyon) və Damian Lillard (66,8 milyon) var.