Yeni başlamış MBA mövsümündə bu gecə 4 oyun keçirilib. Son illərin ən güclü komandalarından sayılan “Denver Naggets” öz meydançasında “Oklahoma Siti Tanders”ə məğlub olub – 87:102.
Görüşdə Nikola Yokiç tripl-dabl edib (16+12+13). Lakin bu da onun komandasına yardım etməyib.
Dallasda ilk oyun meydan sahibləri üçün uğurlu alınıb. “Maveriks” “San Antonio Spörs”ə qalib gəlib – 120:109. Luka Donçiç oyunu 28 xal, 10 ribaund və 8 asistlə tamamlayıb.
“Sakramento Kinqs” – “Minnesota Timbervulvs” qarşılaşması qonaqların 117:115 hesablı qələbəsi ilə başa çatıb. ABŞ-nin paytaxtına təşrif buyuran son çempion “Boston Seltiks” isə çətinlik çəkmədən qələbə qazanıb – 122:102.