MBA-da bu gecə 4 qarşılaşma baş tutub.
Ən məhsuldar oyun “Bruklin Nets”lə “Denver Naggets” arasında olub. Qonaq komanda overtaymda qələbə qazanıb – 144:139. “Denver”in heyətində Nikola Yokiç 29 xal, 18 ribaund və 16 asistlə oynayıb.
Dallas komandası da səfərdə qələbə qazanıb. “Maveriks” “Minnesota Timbervulvs”u 120:118 hesabı ilə məğlubiyyətə uğradıb. Luka Donçiç 24, Kayr İrvinq isə 35 xal toplayıb.
“Yuta Caz” – “Sakramento Kinqs” oyununda da qonaqlar üstün olublar – 113:96. Gecə ərzində meydan sahiblərinin yeganə qələbəsi (124:106) “Qolden Steyt Vorriors” – “Nyu-Orlean Pelikans” qarşılaşmasında qeydə alınıb.