Maks Ferstappen Niderlandın ən varlı adamlarından biridir. Ölkədə milyonçuların siyahısını tutan “Quote”ın reytinqində pilot 500 nəfər arasında 322-ci yerdə qərarlaşıb.
Maksın sərvəti 210 milyon avro qiymətləndirilir. O, təkcə keçən il “Red Bull”dan maaş və qələbələrə görə 64 milyon avro alıb.
“Red Bull”dan aldıqlarından əlavə, 27 yaşlı sürücü “Heineken” və “EA Sports” ilə sponsorluq müqavilələri vasitəsilə pul qazanır. Onun 2023-cü ildə ümumi gəliri 75 milyon avro olub.