MBA-da bu gecə 11 oyun baş tutub. Onlar arasında “İndiana Peysers” – “Boston Seltiks” qarşılaşmasını qeyd etmək mümkündür.
Son çempion mövsümdə ilk məğlubiyyəti ilə üzləşib – 132:135. Qonaq komandada Ceyson teytum 37 xal toplayıb.
Keçən mövsümün autsayderi “Detroyt Pistons” Filadelfiya səfərindən qələbə ilə qayıdıb. 105:95 hesabı ilə bitən oyunda “Siksers”dən Maksi 35 xlla oynayıb.
“Klivlend Kavalers” – “Los Anceles Leykers” qarşılaşmasında Lebron Ceymsin keçmiş komandası indiki komandası üzərində qələbə qazanıb – 134:110. 25 xal toplayan Ceyms 6 dəfə də top itkisi ilə diqqət çəkib. Kaliforniya komandasında Entoni Devis dabl-dabl edib.
“Vaşinqton Vizards” son perioddakı məhsuldarlıq sayəsində “Atlanta Houks”u məğlubiyyətə (133:120) uğradıb. Qonaqlarda həm Yanq, həm də Conson dabl-dablla matçı tamamlayıb.