Misli Premyer Liqasının 11 turu geridə qalsa da, heç də bütün komandalar 11 oyunun hamısını keçirməyiblər. “Qarabağ”, “Araz-Naxçıvan”, “Zirə” və “Şamaxı”nın ehtiyatda 1 oyunu qalmaqdadır.
Hər komandanın heyətində digərləri ilə müqayisədə daha çox oyun keçirən, meydanda daha uzun müddət qalan futbolçular var. Bu yazıda turnir cədvəlində ilk 5-likdə yer alan klublara nəzər salacağıq.
Qurban Qurbanov ən çox kimə güvənib?
Son çempion və cari mövsümdə də Misli Premyer Liqasında liderlik edən “Qarabağ”dan başlayaq. Ağdam təmsilçisinin baş məşqçisi Qurban Qurbanov 10 oyunda nə az, nə çox, düz 26 futbolçuya ehtiyac duyub.
“Köhlən atlılar”ın heyətində 3 futbolçu 10 görüşün hamısında iştirak edib. Bunlar Toral Bayramov, Abbas Hüseynov və Leandro Andradedir. Dəqiqə baxımından meydanda ən çox vaxt keçirən oyunçu isə Toraldır. Maraqlıdır ki, onun ən yaxın izləyicisi isə nə Abbas, nə də Leandrodur. Bayramovu dəqiqələrə görə Aleksey İsayev izləyir. Aleksey Toraldan 1 oyun az keçirsə də, meydanda qalma müddətinə görə Bayramovdan cəmi 7 dəqiqə geri qalır.
Bu mövsüm “Qarabağ”ın heyətində ən az oyun keçirən futbolçu isə aldığı zədə ilə əlaqədar Marko Veşoviçdir: 1 oyun, 11 dəqiqə.
| Toral Bayramov | 10 | 783 |
| Aleksey İsayev | 9 | 776 |
| Abbas Hüseynov | 10 | 632 |
| Bədavi Hüseynov | 7 | 625 |
| Kevin Medina | 6 | 540 |
| Nəriman Axundzadə | 8 | 540 |
| Leandro Andrade | 10 | 510 |
| Mateus Silva | 6 | 500 |
| Emmanuel Addai | 7 | 468 |
| Mateuş Koxalski | 5 | 450 |
| Julio Romao | 7 | 432 |
| Patrik Andrade | 7 | 395 |
| Elvin Cəfərquliyev | 6 | 360 |
| Olavio Juninyo | 9 | 355 |
| Abdullah Zubir | 8 | 342 |
| Redon Cica | 5 | 307 |
| Yassin Benzia | 9 | 301 |
| Bəhlul Mustafazadə | 4 | 295 |
| Fabiyan Buntiç | 3 | 270 |
| Hamidu Keyta | 3 | 206 |
| Marko Yankoviç | 6 | 202 |
| Sadiq Məmmədzadə | 2 | 180 |
| Riçard Almeyda | 3 | 161 |
| Aleksey Kaşuk | 3 | 160 |
| Musa Qurbanlı | 4 | 87 |
| Marko Veşoviç | 1 | 11 |
Berdıyevin vaz keçə bilmədikləri
Hazırda turnir cədvəlində 2-ci pillədə qərarlaşan “Turan Tovuz” keçirdiyi 11 oyunda 21 futbolçunun xidmətindən faydalanıb. Baş məşqçi Kurban Berdıyev 4 futbolçuya çempionatın bütün matçlarında şans verib. Söhbət Alexandro Serrano, Otto Con, Xəyal Nəcəfov və Ayxan Quseynovdan gedir.
Onların arasında meydanda olduğu dəqiqə sayına görə Serrano birinci pillədə qərarlaşıb. Onun ən yaxın izləyiciləri isə 10 oyunda iştirak etmiş Emmanuel Hakman və İvan Konovalovdur.
“Turan Tovuz”un hələlik ən zəif bəndi isə Sergey Samokdur. Həmyerlisi ilə rəqabətdə uduzan rusiyalı qolkiper cəmi 1 görüşdə (90 dəqiqə) meydanda olub.
| Alexandro Serrano | 11 | 984 |
| Emmanuel Hakman | 10 | 900 |
| İvan Konovalov | 10 | 900 |
| Şəhriyar Əliyev | 10 | 821 |
| Kristian da Silva | 10 | 806 |
| Denis Marandiçi | 10 | 774 |
| Faiq Hacıyev | 10 | 772 |
| Otto Con | 11 | 764 |
| Roderik Miller | 10 | 732 |
| Xəyal Nəcəfov | 11 | 685 |
| İsmayıl Zülfüqarlı | 8 | 414 |
| Ayxan Quseynov | 11 | 390 |
| Tural Bayramlı | 7 | 315 |
| Veysəl Rzayev | 9 | 314 |
| Aleks Souza | 8 | 281 |
| Sadiq Şəfiyev | 4 | 277 |
| Rüfət Əhmədov | 4 | 199 |
| Eltun Turabov | 5 | 176 |
| Araş Qaderi | 5 | 174 |
| Fərid Yusifli | 4 | 122 |
| Sergey Samok | 1 | 90 |
Baxşıyev üçün əvəzolunmazlar
Keçək turnir cədvəlinin üçüncüsü “Araz-Naxçıvan”a. “Qırmızı-ağlar”ın baş məşqçisi Elmar Baxşıyev Misli Premyer Liqasının cari mövsümündə hələlik 20 futbolçunun xidmətindən yararlanıb. Ehtiyatda 1 görüşü qalan “Araz-Naxçıvan”da 10 matçın hamısında iştirak etmiş futbolçu sayı 9-dur: Bəxtiyar Həsənalızadə, İqor Ribeyro, Vanderson Melo, Felipe Santos, Ürfan Abbasov, Nuno Rodriqes, Miço Kuzmanoviç, Bernardo Dias və Ülvi İsgəndərov.
Meydanda olduğu dəqiqə sayına görə isə 3 futbolçu seçilir. Bunlar Bəxtiyar Həsənalızadə, İqor Ribeyro və Vanderson Melodur. Onlar bütün görüşlərdə əvvəldən sonadək meydanda qalıblar.
| Bəxtiyar Həsənalızadə | 10 | 900 |
| İqor Ribeyro | 10 | 900 |
| Vanderson Melo | 10 | 900 |
| Felipe Santos | 10 | 817 |
| Kristian Avram | 9 | 810 |
| Ürfan Abbasov | 10 | 792 |
| Nuno Rodriqes | 10 | 775 |
| Ramon Maçado | 9 | 732 |
| Ömər Buludov | 9 | 719 |
| Vadim Abdullayev | 9 | 716 |
| Miço Kuzmanoviç | 10 | 676 |
| Bernardo Dias | 10 | 462 |
| Slavik Alxasov | 6 | 229 |
| Mustafa Əhmədzadə | 3 | 110 |
| Ülvi İsgəndərov | 10 | 107 |
| Karlos Jatoba | 1 | 90 |
| Tərlan Əhmədli | 1 | 90 |
| Sezar Meza Kolli | 2 | 26 |
| İssuf Paro | 4 | 25 |
| Bayraməli Qurbanov | 2 | 24 |
Rəşad Sadıqovun Məqsədi
Ehtiyatda 1 görüşü qalan “Zirə” ölkə çempionatının cari mövsümündə hələlik 24 futbolçunun xidmətindən faydalanıb. Baş məşqçi Rəşad Sadıqovun ən çox güvəndiyi oyunçu Məqsəd İsayevdir. 10 oyunun hamısında iştirak edən İsayev meydanda olduğu dəqiqə sayına görə komanda yoldaşlarını qabaqlayır. Məqsədlə yanaşı, Ange Mutsinzi, Rüstəm Əhmədzadə, Ceyhun Nuriyev, Davit Volkov və Eldar Quliyev də çempionatın bütün matçlarında forma geyinib. Lakin onların heç biri İsayev kimi keçirdiyi dəqiqə sayına görə öndə deyil. Məqsəddən sonra Ruan Renato və Aydın Bayramov meydanda ən çox dəqiqə keçirən oyunçulardır.
“Qartallar”ın heyətində ən az meydan üzü görən futbolçu isə Ayron Qomisdir – 14 dəqiqə.
| Məqsəd İsayev | 10 | 810 |
| Ruan Renato | 9 | 743 |
| Aydın Bayramov | 8 | 720 |
| Ange Mutsinzi | 10 | 712 |
| Rafael Utziq | 9 | 634 |
| Rüstəm Əhmədzadə | 10 | 622 |
| Ceyhun Nuriyev | 10 | 607 |
| Davit Volkov | 10 | 604 |
| Eldar Quliyev | 10 | 600 |
| Qismət Alıyev | 9 | 573 |
| Salifu Suma | 9 | 557 |
| Pyer Zebli | 7 | 479 |
| Fuad Bayramov | 7 | 470 |
| İsmayıl İbrahimli | 9 | 441 |
| Stefan Aka | 4 | 300 |
| İbrahim Abbas | 4 | 188 |
| Tiaqo Silva | 2 | 180 |
| Elçin Əlicanov | 3 | 168 |
| Georgi Papunaşvili | 6 | 150 |
| Hacıağa Hacılı | 4 | 138 |
| Martins Junior | 4 | 97 |
| Yusuf Laval | 2 | 71 |
| İssa Cibrila | 1 | 22 |
| Ayron Qomis | 1 | 14 |
Renduliç üçün önəmli “4-lük”
“Sabah” isə Misli Premyer Liqasının cari mövsümündə hələlik 23 futbolçuya gərək duyub. Baş məşqçi Krunoslav Renduliç 4 futbolçuya (Cesse Sekidika, Amin Seydiyev, Pavol Şafranko və Coy-Lens Mikels) 11 oyunun hamısında şans verib. Meydanda qaldığı dəqiqələrin sayına görə isə liderlik Sekidikadadır. Dəqiqə baxımından Cessenin ən yaxın izləyicisi çempionatın 10 görüşündə forma geyinmiş Con İrasabaldır. Bu, ispan müdafiəçinin Seydiyev, Şafranko və Mikelsdən fərqli olaraq, heç bir görüşdə əvəzlənməməsi ilə bağlıdır.
| Cesse Sekidika | 11 | 918 |
| Con İrasabal | 10 | 900 |
| Amin Seydiyev | 11 | 899 |
| Pavol Şafranko | 11 | 896 |
| Coy-Lens Mikels | 11 | 840 |
| İvan Lepniça | 9 | 759 |
| Boyan Letiç | 10 | 729 |
| Elvin Camalov | 9 | 682 |
| Namik Ələskərov | 10 | 592 |
| Sofian Çakla | 8 | 552 |
| Yusif İmanov | 6 | 540 |
| Nicat Mehbalıyev | 5 | 450 |
| İqor Noqeyra | 5 | 447 |
| Tellur Mütəllimov | 8 | 303 |
| Abdulax Xaybulayev | 4 | 232 |
| Şakir Seyidov | 7 | 225 |
| Kahim Parris | 4 | 204 |
| Xəyal Əliyev | 9 | 198 |
| Anatoli Nuriyev | 9 | 185 |
| Rəhman Daşdəmirov | 2 | 175 |
| Abdulla Rzayev | 2 | 91 |
| Neqoş Kupisoviç | 5 | 64 |
| Camal Cəfərov | 1 | 9 |