Klubların yeni dünya reytinqi açıqlanıb.
Futbolinfo.az saytının məlumatına görə, Misli Premyer Liqasında çıxış edən komandaların mövqelərində dəyişikliklər olub.
Ötən müddət ərzində 10 elita təmsilçisi arasında yalnız “Sumqayıt” irəliləyişə nail olub. Digər 9 klubumuzda geriləmə müşahidə edilib.
Ümumilikdə dünyanın 13 min 360 yüksək liqa komandasının yer aldığı cədvəldə ən yaxşı göstəriciyə malik klubumuz “Qarabağ”dır. Ancaq ağdamlılar da ötən reytinqlə müqayisədə 38 pillə geriləyib. Ən çox eniş isə “Səbail”də yaşanıb. Qəsəbə təmsilçisində nə az, nə çox, düz 150 addım geriləmə olub.
Azərbaycan klublarının dünya reytinqindəki mövqeyi:
188-ci yer. “Qarabağ” – 79,8 xal (-38 pillə)
598. “Zirə” – 73,6 (-42)
671. “Sabah” – 72,8 (-51)
820. “Turan Tovuz” – 71,4 (-30)
976. “Neftçi” – 70,3 (-24)
1357. “Sumqayıt” – 67,6 (+12)
1383. “Araz-Naxçıvan” – 67,4 (-29)
1578. “Şamaxı” – 66,4 (-74)
1801. “Səbail” – 65,3 (-150)
2361. “Kəpəz” – 63,1 (-100)