“Mançester Siti” İngiltərə Premyer Liqasının 10-cu turu çərçivəsində “Bornmut”la qarşılaşıb.
Futbolinfo.az xəbər verir ki, görüş turnirin son çempionunun 1:2 hesablı məğlubiyyəti ilə bitib.
Beləliklə, “Mançester Siti”nin Premyer Liqada 32 oyunluq məğlubiyyətsizlik seriyasına son qoyulub. Bu, “şəhərlilər”in tarixində ən uzun məğlubiyyətsiz oyunlar seriyası olub. Bundan əvvəlki rekord 2017/18-ci illərdə 30 oyun idi.
Hazırda turnir cədvəlində “Mançester Siti” 23 xalla 2-ci, “Bornmut” isə 15 xalla 8-ci yerdədir.