İki gün sonra Misli Premyer Liqasında 3-cü turdan təxirə salınan “Zirə” – “Araz-Naxçıvan” oyunu keçiriləcək.
Futbolinfo.az xəbər verir ki, bu, komandaların ümumilikdə 6-cı dueli olacaq.
Ötən mövsümdən yaranan rəqabətdə Naxçıvan təmsilçisi üstünlük təşkil edir. Belə ki, “Araz-Naxçıvan” 2, “Zirə” isə 1 dəfə rəqibindən 3 xal almağı bacarıb. Ancaq diqqətçəkən məqam budur ki, Rəşad Sadıqovun yetirmələri hələ öz meydanlarındakı görüşlərdə bu rəqibinin qapısına yol tapa bilməyib. Bölgə təmsilçisi ötən mövsüm səfər matçlarından müvafiq olaraq, 0:0 və 1:0 hesabı ilə ayrılıb.
“Araz-Naxçıvan” həm də son iki görüşdə iddialı rəqibinə uduzmayıb – 1:0, 1:1. İndiyəqədərki 5 duelin 4-də komandalardan ən azı biri qol vura bilməyib.
Qeyd edək ki, “Zirə” – “Araz-Naxçıvan” oyunu noyabrın 6-da keçiriləcək.