“Arsenal”ın sabiq yarımmüdafiəçisi Emmanul Peti maraqlı təklif edib. O, londonluların həmyerlisi Pol Poqbanı transfer etməklə riskə girməsini istəyir.
Futbolinfo.az xəbər verir ki, fransız veteran deyib: “O, özünü sübut etmək üçün meydanda hər şeyini verəcək. Tam formaya düşməsi üçün bir az zaman lazımdır, amma bütün gücü ilə oynamağa başlayanda “Arsenal”a çox faydalı olacaq”.
Peti cəza üzündən bir müddət futbolsuz qalan, bağışlandıqdan sonra “Yuventus”dan ayrılmaq qərarı verən Poqbanı “topçular”ın baş məşqçisinin yenidən parladacağına əmindir: “Mikel Arteta əla motivatordur. İspan mütəxəssis Poqbanı qazana bilər. Pol orta sahə üçün əla seçimdir, uca boylu, texnikalı, güclə və yaradıcıdır. Poqbanın sevgiyə və güvənə ehtiyacı var. “Arsenal” ona şans versə, uduzmaz”.