MBA-da bu gecə keçirilən oyunlar arasında “Denver Naggets” – “Toronto Reptors” qarşılaşmasını qeyd etmək mümkündür. Meydan sahiblərinin lideri Nikola Yokiç növbəti tripl-dablı ilə yadda qalıb. Serb basketbolçunun aktivində 28 xal , 14 ribaund və 14 asist var. Denver komandası görüşü 121:119 hesablı qələbə ilə bitirib.
Sloveniyalı Luka Donçiçin komandası isə “İndiana Peysers”ə məğlub olub. Dallasdakı qarşılaşma 127:134 hesabı ilə nəticələnib.
Alperen Şengünün çıxış etdiyi “Hyuston Rokets” komandası uğurlu startı davam etdirir. Bu dəfə “Nyu-York Niks” məğlubiyyətə uğradılıb – 109:97. 25 xal toplayan Alperen komandasının ən məhsuldar oyunçusu olub. Onun aktivində həmçinin 14 ribaund var.
Son çempion “Boston Seltiks” Atlantada rahat qələbə qazanıb – 123:93. Ceyson Teytum görüşü 28 xalla tamamlayıb.
Digər oyunlar arasında “Los-Anceles Leykers”in Detroytda 103:115 hesablı məğlubiyyətini qeyd etmək mümkündür.