“Minnesota United” komandasının qapıçısı Deyn St. Kleyr, Milli Basketbol Assosiasiyasının keçmiş oyunçusu və Basketbol Şöhrət Zalının üzvü Vins Karterin əfsanəvi jestini təqlid edərək ona hörmətini ifadə edib.
27 yaşlı St. Kleyr “Real Solt Leyk”lə MLS-in pley-off matçında penaltini dəf edib. Bundan sonra o, sözü tələffüz edərkən Karterin “Bu bitdi” jestini göstərib. Vins bu məşhur jesti 2000-ci ildə qazandığı “slam dunk” yarışmasında göstərmişdi.
MBA karyerası ərzində Vins 1541 oyun keçirib, 8 dəfə All-Star oyununda iştirak edib və 1999-cu ildə ilin ən yaxşı gənc oyunçusu seçilib. 2024-cü ildə Karter Basketbol Şöhrət Zalına daxil edilmək şərəfinə layiq görülüb.