Peşəkar Kişi Tennis Assosiasiyasının (ATP) rəsmi akkauntunda noyabrın 10-dan 17-dək İtaliyanın Turin şəhərində keçiriləcək Final Turnirinin iştirakçılarının məzəli posteri dərc olunub.
Burada reytinq lideri, italyan tennisçi Yannik Sinner, dünyanın iki nömrəsi alman Aleksandr Zverev, ispan Karlos Alkaras, ruslar Daniil Medvedev və Andrey Rublyov, amerikalı Teylor Fritz, norveçli Kasper Ruud və Avstraliyanı təmsil edən Aleks de Minaur təsvir edilib.
Xatırladaq ki, ötənilki turnirin qalibi olmuş serb tennisçi Novak Cokoviçin imtinasından sonra Turindəki yarışın bütün iştrakçıları məlum olub.