“Səbail” yeni baş məşqçisinin adını açıqlayıb.
Futbolinfo.az klubun mətbuat xidmətinə istinadən məlumatına görə, rəhbərlik bu vəzifəyə Elvin Məmmədovu gətirib.
Klubun U-19 komandasında işləyən Məmmədov müvəqqəti əsas komandaya rəhbərlik edəcək.
Qeyd edək ki, Misli Premyer Liqasının 12-ci turunda “Kəpəz”lə (0:1) keçirilən oyundan sonra Şahin Diniyev istefa verib.
Sonda onu da əlavə edək ki, “Turan Tovuz”la qarşıdakı oyundan sonra “Səbail”in baş məşqçi postuna elə Tovuz klubunda köməkçi məşqçi kimi çalışan Cavid Hüseynov gətiriləcək.