“Sabah” klubu FIBA Avropa Kubokunda bu gün növbəti matçını keçirəcək.
Futbolinfo.az xəbər verir ki, Rimas Kurtinaytisin rəhbərlik etdiyi kollektiv G qrupunda Yunanıstan təmsilçisi “Marussi” ilə qarşılaşacaq.
Marussi şəhərindəki “Maroussi Saint Thomas Indoor Hall”da baş tutacaq qarşılaşma Bakı vaxtı ilə saat 22:15-də başlayacaq.
Oyunu Marek Kukelçik (Slovakiya), Nemanya Ninkoviç (Serbiya) və Mladen Luçiç (Monteneqro) idarə edəcəklər.
“Sabah” evdə “Marussi”yə 70:82 hesabı ilə məğlub olub. Azərbaycan komandası həmçinin qrupda keçirdiyi digər oyunlarda Belçikanın “Spiru” klubuna evdə 68:78, səfərdə 81:82, İsveç təmsilçisi “Norrçepinq Dolfins”ə isə 70:74 hesabı ilə yenilib.