Milli Basketbol Assosiasiyasının növbəti turu çərçivəsində “Toronto Reptors”la matçda “Sakramento Kinqs” 122:107 hesabı ilə qalib gəlib. Kaliforniya komandasının liderlərindən biri Domantas Sabonis unikal göstəricilərə imza atıb.
Sabonis meydançada keçirdiyi 34 dəqiqə ərzində 17 xal (6-sı oyundan, 5-i sərbəst atış), 13 asist, 11 ribaund və bir topalma ilə yadda qalıb. Matçın sonunda mərkəz basketbolçusunun faydalılıq göstəricisi “+16” olub.
Beləliklə, 28 yaşlı basketbolçu MBA tarixində atışlardan heç bir səhv etmədən tripl-dabl edən ilk oyunçu olub.