Qadın tennisçilərin yekun turnirində qrup mərhələsi bitmək üzrədir. A qrupunda başa çatan oyunlardan sonra yarımfinalçılar müəyyənləşib.
Son turda qələbə qazanmasına baxmayaraq, qazaxıstanlı Yelena Rıbakina yarımfinala çıxa bilməyib. İlk iki yeri Arina Sabalenka ilə Jenq Qinven tutublar. Çinli tennisçi son turda Jasmin Paoliniyə 2:0 hesabı ilə qalib gələrək vəsiqəni əldə edib.
Digər qrupda oyunlar bu gün başa çatacaq. İki qələbəsi olan Kori Qauf artıq yarımfinala vəsiqəni təmin edib. Digər vəsiqə uğrunda Şvyontek, Kreyçikova və Pequla mübarizə aparırlar.