Milli Basketbol Assosasiyasının müntəzəm çempionatında 4 oyun keçirilib.
Futbolinfo.az xəbər verir ki, Klivlend komandası “Brulkin Nets”ə qalib gələrək qələbə seriyasını 11-ə çatdırıb – 105:100.
“Kavalers” hələ ki, çempionatda məğlubiyyətlə üzləşməyib.
Viktor Vembanyamanın dabl-dablı da “San Antonio Spörs”ü məğlubiyyətdən xilas etməyib. Texas təmsilçisi “Yuta Caz”a 110:111 hesabı ilə uduzub. Fransız basketbolçunun aktivində 25 xal var.
“Atlata Houks” doğma arenada “Çikaqo Buls”a məğlub olub – 113:125. “Klippers” isə Los-Ancelesdə “Toronto Reptors”a qalib gəlib – 105:103. Kaliforniya klubunun lideri Harden oyunda 24 xal toplayıb.