Milli Basketbol Assosasiyasının “Los Anceles Leykers” – “Toronto Reptors” qarşılaşması əlamətdar hadisə ilə yadda qalıb. Lebron Ceyms çox nadir göstəricilərdən birinə imza atıb.
Ceyms meydançada ümumilikdə 35 dəqiqə keçirərək, 19 xal (14-dən 6-sı meydançadan, 7-si sərbəst atış) toplayıb, 16 məhsuldar ötürmə verib və 10 ribaund edib. Görüşün sonunda forvardın faydalılıq göstəricisi “+13” olub.
Beləliklə, Lebron Ceyms MBA tarixində ardıcıl iki oyunda tripl-dabl edən ən yaşlı oyunçu olub. Ceymsin ay yarımdan sonra 40 yaşı tamam olacaq. Bundan əvvəl o, “Filadelfiya” ilə matçda 21 xal, 13 asist və 12 ribaundla yadda qalmışdı.
