Milli Basketbol Assosasiyasında bu gecə 9 oyun baş tutub. Lebron Ceymsin tripl-dabl etdiyi görüşdə “Leykers” “Toronto Reptors”u məğlubiyyətə uğradıb – 123:103.
Yokiç – Donçiç duelində “Denver Naggets” 122:120 hesabı ilə qələbə qazanıb. Serb basketbolçu 37 xal toplayıb. “Dallas Maveriks”də İrvinq 43, Donçiç isə 24 xalla oynayıb.
Karrinin 36 xal topladığı matçda “Qolden Steyt Vorriors” Oklahomadan qələbə ilə dönüb – 116:127. “İndiana Peysers” doğma arenada “Nyu-York Niks”ə 132:121 hesabı ilə qalib gəlib. Maturin görüşü 38 xalla tamamlayıb. Zədəli Kevin Dürantın yoxluğunda “Finiks Sans” evdə “Sakramento Kinqs”ə məğlub olub – 118:127.