“Böyük Dəbilqə” seriyalı turnirlərin ikiqat qalibi, italyan tennisçi Yannik Sinner 2024-cü il mövsümü üçün dünya reytinqinin birinci sırasını təmin etdiyinə görə kubokla mükafatlandırılıb. Mərasim Turində keçirilən ATP Final Tournament zamanı baş tutub.
2024-cü ildə Yannik Sinner iki “Böyük Dəbilqə” turnirinin qalibi olub. (Avstraliya və ABŞ). Ümumilikdə, italyan yeddi ATP titulunu qazanıb. Onlardan üçü “Masters” olub. Sinner bir dəfə də finalda məğlubiyyətlə üzləşib.
23 yaşlı Sinner ATP-nin reytinq cədvəlinə ilk dəfə bu ilin iyun ayında başçılıq edib. 11 noyabr tarixli reytinq cədvəlinə əsasən, italyan ən yaxın izləyicisi Aleksandr Zverev üzərində 3000 xaldan çox üstünlüyə malikdir.