Rejissor Ridli Skottun çəkdiyi, baş rollarda Pedro Paskal, Pol Meskal və Denzel Vaşinqtonun oynadığı “Qladiator 2” filmi noyabrda ekranlara çıxacaq. “Ferrari” komandası “Paramount Pictures” tərəfindən həyata keçirilən tanıtım kampaniyasına qoşulub.
Skuderiyanın mətbuat xidməti artıq filmə həsr olunmuş videoçarxı sosial şəbəkə hesabında yerləşdirib. Komandanın pilotları Şarl Lekler və Karlos Sayns noyabrın 13-də Londonda keçiriləcək dünya premyerasında iştirak edəcəklər.
Las-Veqas qran-prisi zamanı aktyorlar Pol Meskal, Fred Heçinger və aktrisa Konni Nilsen filmin personajları kimi geyinərək “Ferrari” boksunda olacaqlar.