Formula 1 rəhbərliyi 2025-ci il mövsümü öncəsi Londonda, O2 Arenada komandaların vahid təqdimatının təfərrüatlarını açıqlayıb.
“Formula 1 tarixində ilk dəfə olaraq, bütün 10 komanda, menecerləri və sürücüləri yeni mövsümün açılışına həsr olunmuş tədbirdə bir yerə toplaşacaqlar. Tədbirdə azarkeşlər 2025-ci ilin yeni bolidlərini görə biləcəklər. Burada həmçinin, yarışların 75 illiyinə həsr edilmiş başqa sürprizlər də olacaq”, – deyə rəsmi press-relizdə deyilir.
Formula 1 rəhbərliyi komandaların və onların avtomobillərinin fərdi təqdimatlarını da istisna etmir. Londondakı mərasim gələn il fevralın 18-də Bakı vaxtı ilə saat 23:50-də başlayacaq.