“Devis Kuboku” 2024-ün final mərhələsinin keçiriləcəyi Malaqa şəhərindəki İdman Sarayı “Böyük Dəbilqə” turnirlərinin 22 qat qalibi, dünya reytinqinin keçmiş bir nömrəsi Rafael Nadalın şərəfinə böyük yazı ilə bəzədilib.
Əlində raketka tutan Rafael Nadalın əks olunduğu pankartda “Gracias, Rafa” yazılıb.
Rafael Nadal İspaniya millisinin tərkibində dörd dəfə (2004, 2009, 2011, 2019) “Devis Kuboku”nu qazanıb.
Xatırladaq ki, 38 yaşlı ispan tennisçi noyabrın 19-dan 24-dək Malaqada keçiriləcək “Devis Kuboku”nun final hissəsindən sonra peşəkar karyerasını başa vuracağını açıqlayıb.