“San Antonio Spörs” komandasının üzvü Viktor Vembanyama “Vaşinqton Vizards”la qarşılaşmada (139:130) 50 xal qazanıb. Vembanyama bir oyunda 50+ xal toplayan ən gənc mərkəz basketbolçusu kimi MBA-nın tarixinə düşüb.
Qeyd edək ki, hazırda Viktorun 21 yaşı olmayıb. Bu mövsüm orta hesabla mərkəz basketbolçusu 19,7 xal, 10,5 ribaund və 2,7 məhsuldar ötürmə ilə oynayır. Bu, Vembanyamanın MBA-da ikinci mövsümüdür.
Digər oyunlar arasında “Hyuston Rokets”in “Los Anceles Klippers” üzərində qələbəsini qeyd etmək olar. Alperen Şengünün 13 xal topladığı oyun 111:103 hesabı ilə başa çatıb.
Klivlend komandasının da qələbə seriyası davam edir. “Kavalers” mövsüm başlayandan yalnız qələbə qazanır. Bu dəfə onlar səfərdə “Filadelfiya Siksers”i məğlub ediblər – 114:106.
Gecənin ən məhsuldar oyunçusu Yannis Antetokumbo olub. Yunan basketbolçunun 59 xal topladığı matçda “Miluoki Baks” “Detroyt Pistons” üzərində 127:120 hesablı qələbə qazanıb.
Lebron Ceyms ardıcıl 3-cü oyunda tripl-dabl edib. “Leykers” isə “Memfis Qrizliz”ə qalib gəlib – 128:123.