Azərbaycan yığması UEFA Millətlər Liqasında 23-cü oyununu keçirəcək.
Futbolinfo.az saytının məlumatına görə, bu, cari mövsümün V turunda Estoniya ilə bu gün baş tutacaq matça təsadüf edəcək.
Millimiz 2018-ci ildə yaradılan Millətlər Liqasında 4-cü mövsümünü başa vurmaq üzrədi. Komandamız indiyə qədər 22 görüşün yalnız 6-da qələbə qazana bilib. Yığma yalnız cari mövsüm qalibiyyət üzü görməyib. Əvvəlki üç mövsümdə müvafiq olaraq 2, 1 və 3 qələbə əldə olunub. Komandamızın Millətlər Liqasında 7 heç-heçəsi və 9 məğlubiyyəti də var. Estoniya ilə qarşılaşmada futbolçular məğlubiyyət sayının 10-a çatmasına mane olmalı və 7-ci qələbəni qazanmalıdırlar.
Qol fərqində də rəqiblər üstündürlər. Belə ki, millimiz 22 matçda 25 dəfə mərkəzə dəvət olunub. Komandamızın vurduğu qol sayı isə 19-dur. Yəni növbəti qol Millətlər Liqasında yubileylə yadda qalacaq.
Qeyd edək ki, Qəbələ şəhər stadionunda keçiriləcək Azərbaycan – Estoniya görüşü saat 18:00-da başlayacaq.