Bu gecə MBA-nın müntəzəm çempionatında 12 oyun olub. Onlar həmçinin, turnirin kubokunun oyunları kimi hesab edilib.
Gecə ərzində 3 maraqlı hadisə baş verib.
Əvvəla, “Klivlend Kavalers” startdan bu günədək ardıcıl 14-cü oyunu da qələbə ilə tamamlayıb. Bu dəfə onlar “Çikaqo Buls”u məğlub ediblər – 144:126.
İkinci hadisə Dearon Foksun mövsümün məhsuldarlıq rekordunu yeniləməsidir. Onun 60 xalı da komandasına yardım etməyib. “Sakramento Kinqs” overtaymda “Minnesota Timbervulvs”a 126:130 hesabı ilə məğlub olub.
Bir neçə gündən sonra 40 yaşı tamam olacaq Lebron Ceyms isə ardıcıl 4-cü oyunda tripl-dabl edib. “Leykers” isə San Antonioda qələbə qazanıb – 120:115.
Alperen Şengünün komandası da uğurlu oyunu ilə yadda qalıb. “Hyuston Rokets” evdə Los-Ancelesin digər komandası “Klippers”dən üstün olub – 125:104. Alperenin aktivində 16 xal var.