“Barselona” yeni hücumçu axtarır. İspaniya nəhəngi Robert Levandovskini əvəzləyəcək şəxsi bu yay transfer etmək niyyətindədir.
Futbolinfo.az xəbər verir ki, 2022-ci iln yayında “Bayern”dən 45 milyon avroya transfer edilən Levandovski tezliklə təqaüdə çıxa bilər. 36 yaşlı forvard artıq əvvəlki qədər məhsuldar deyil. Bu səbəbdən anlaşması gələn mövsümün sonunda bitəcək polşalını layiqincə əvəzləyəcək hücumçu alınmalıdır.
Katalonlar Erlinq Halandı istəsə də, norveçlinin qiyməti klubun büdcəsinə görə deyil. Bu səbəbdən “Mançester Siti”nin forvardının keçidi ikinci planda saxlanılır. Hazırda “Barselona”nın əsas hədəfi “Sportinq”dən viktor Dyökereş və “Ayntraxt”dan Omar Marmuşdur.