Yevlax şəhərində 44 günlük Vətən Müharibəsi qəhrəmanı, “Vətən uğrunda”, “Füzulinin azad olunmasına görə” və “Vətən müharibəsi iştirakçısı” medallarına layiq görülən şəhid Muxtar Qasımlının adını daşıyan yeni fitnes mərkəzinin açılışı olub.
Mərasimdə Muxtar Qasımlının valideynləri, şəhər sakinləri və rayon ictimaiyyətinin nümayəndələri işdirak ediblər. Çıxış edənlər bu vacib təşəbbüsün uşaq və gənclərin fiziki sağlamlığı və sağlam ruhda böyüməsi üçün mühüm əhəmiyyət daşıdığını söyləyib.
Qeyd edək ki, 2 mərtəbəli zaldan ibarət olan “Muxtar” fitnes mərkəzinin ümumi sahəsi 200 kvadratmetrdir. Klubda soyunub-geyinmə otağı, trenajor zalı, idman alətləri mövcuddur.
BƏHRUZ MUSAYEV