“Martinator” ləqəbi ilə tanınan və “Pramac Ducati” komandasında çıxış edən 26 yaşlı ispan motosikletçi Xorxe Martin 2024-cü il mövsümündə MotoGP seriyasının çempionu olub.
Martin Barselona qran-prisinin final mərhələsində üçüncü yeri tutsa da, çempionluğu təmin edib. Mərhələ qalibi Françesko Banya rəqibinə çatmağı bacarmayıb.
Bu, Martinin ilk MotoGP çempionluğudur. 2023 mövsümündə Françesko Banya ilə mübarizədə Martin ikinci yeri tutmuşdu.
Xorxe 2021-ci ildə motosiklet yarışlarında debüt edib.