2016-cı il “Major League Baseball”da Dünya Liqasının qalibi Kris Brayantın “Lamborghini Huracan” avtomobili oğurlanıb. NBC-nin Denver polis nümayəndəsinə istinadən verdiyi məlumata görə, cinayət oğruların avtomobilin çatdırılma ünvanını göstərdiyi və özləri üçün mənimsədiyi e-poçt hesabını sındırmaqla törədilib.
Avtomobilin itdiyini görəndə Brayant ABŞ polisi ilə əlaqə saxlayıb. Aparılan araşdırmalar nəticəsində cinayətkarların kimliyini tez bir zamanda müəyyən etmək mümkün olub, onların tutulması zamanı oğurlanmış digər avtomobillər də tapılıb. “Lamborghini Huracan” iddia ərizəsi verildikdən beş gün sonra Brayanta qaytarılıb.
Xatırladaq ki, “Lamborghini Huracan” 2013-cü ilin dekabrında təqdim edilib, 2024-cü ilin aprelində isə modelin vida versiyası nümayiş olunub. Bu modeli hibrid “Temerario” əvəz edib.