20 qat “Böyük Dəbilqə” çempionu Rocer Federer bu həftə peşəkar karyerasını başa vuracaq ispaniyalı tennisçi Rafael Nadala uzun bir mesaj ünvanlayıb.
“Sən karyeranı başa vurmağa hazırlaşarkən, hisslərə qapılmazdan əvvəl paylaşacağım bəzi şeylər var.
Gəlin hamya məlum olandan başlayaq: sən dəfələrlə məni məğlub etmisən. Mən sənə qalib gəldiyimdən daha çox. Heç kimin bacara bilmədiyi yollarla mənə meydan oxudun. Sən məni oyun üslubum üzərində yenidən düşünməyə vadar etdin. Hətta raketkamın ölçüsünü də sənə görə dəyişdim.
Mən çox mövhumatçı adam deyiləm, amma sən bu məsələdə də başqa səviyyəyədə idin. Bütün prosesin, bütün ritualların… Oyuncaq əsgərlər kimi su qablarının düzülməsi, saç düzümü, alt paltarı… Bütün bunların hamısını bəyəndim. Çünki bu, çox unikal, yəni sənin özünəməxsus üslubunda idi”, – deyə Federer sosial şəbəkələrdəki şəxsi səhifəsində yazıb.