Milli Basketbol Assosasiyasında bu gecə 6 oyun baş tutub.
“Klivlend Kavalers”in qələbə seriyası başa çatıb. Son çempion “Boston Seltiks” doğma arenada seriyanı qırmağa müvəffəq olub – 120:117. Ceyson Teytum qalib komandanın heyətində 33 xal toplayıb. Qonaq komandada Mitçelin aktivində 35 xal var.
Lebron Ceymsin dabl-dabl etdiyi oyunda “Leykers” ardıcıl 6-cı qələbəsini qazanıb. Bu dəfə “Yuta Caz” 124:118 hesabı ilə məğlubiyyətə uğradılıb.
Digər oyunların nəticəsi:
Bruklin Nets – Şarlott Hornets 116:115
Memfis Qrizliz – Denver Naqqets 110:122
Dallas Maveriks – Nyu-Orleans Pelikans 132:91
San Antonio Spörs – Oklahoma Siti Tander 110:104
Bu oyunlardan sonra 10 qələbə qazanan “Qolden Steyt Vorriors” qərbdə liderdir. Şərqdə isə 15 qələbə qazanan Klivlend komandasının liderliyi davam edir.