Keçənilki çempionatın son qalibi “Boston Seltiks” komandası Milli Basketbol Assosiasiyasının “Vaşinqton Vizards” matçı üçün paytaxtdadır. Eyni zamanda komanda 2023/2024 mövsümünün çempionu kimi “Ağ Ev”ə dəvət edilib. Burada onları ölkə prezidenti Co Bayden qəbul edib.
Qəbul zamanı maraqlı hadisə baş verib. Amerika Birləşmiş Ştatlarının hazırkı prezidenti Co Bayden çıxışında komandanın adını düzgün tələffüz edib-etməməsinə aydınlıq gətirib – “Seltiks”. “2024 MBA mövsümünün qalibi “Bolls”dur … Siz isə “Seltiks”siniz, elə deyilmi?” – Bayden deyib.
Ətrafdakılar onun dediyindən bir şey anlamasalar da, sözlərini təbəssümlə qarşılayıblar.