“İnter Mayami”nin həmsahibi Xorxe Mas futbolçusu Lionel Messinin klubdakı gələcəyi ilə bağlı sualı cavablandırıb.
O, 37 yaşlı hücumçunun komandada qalacağına işarə edib: “Mən 2026-cı ildə yeni stadionumuz açılanda Lionel Messinin komandanın heyətində, bizimlə olacağını düşünürəm”.
Argentinalı futbolçunun “İnter Mayami” ilə hazırkı müqaviləsi 2025-ci ilin sonuna qədər nəzərdə tutulub. Sözləşmə 2026-cı ilin sonuna qədər uzadıla bilər. Messi 2023-cü ilin yayında azad agent kimi ABŞ klubuna keçib.
Həmçinin mətbuatda forvardın sabiq klubu “Barselona”ya qayıda biləcəyi haqda məlumatlar da yayılıb.