Lionel Messinin keçmiş komanda yoldaşı Xavyer Maskerano ABŞ təmsilçisi “İnter Mayami”nin baş məşqçisi təyin edilib.
Futbolinfo.az klubun mətbuat xidmətinə istinadən xəbər verir ki, 40 yaşlı mütəxəssis bu postda Xerardo Martinonu əvəzləyib.
O, yeni klubu ilə 3 illik müqavilə imzalayıb. Maskerano daha əvvəl baş məşqçi kimi Argentinanın U-20 və U-23 yığmalarını çalışdırıb.
Xatırladaq ki, Maskerano və Messi “Barselona” (İspaniya) və Argentina millisində birgə çıxış ediblər. Kataloniya təmsilçisinin sabiq futbolçuları Luis Suares, Serxio Busquets və Jordi Alba da “İnter Mayami”nin şərəfini qoruyurlar.