“Lead Out Cycling” komandasından verilən məlumata görə, noyabrın 26-da keçmiş velosipedçisi Tuur Hanke ad günündə dünyasını dəyişib.
“Tuur 2022-ci ildən yeniyetmələrimizlə işləyir və ötən mövsüm 20 yaşadək idmançılardan ibarət komandada çıxış edib. Hamının Tuur haqqında xoş xatirələri var. Həmişə hörmətli, həmişə gülərüz, hamı tərəfindən sevilən olub. Tuuru tanıyan hər kəsə güclü olmağı diləyirik. İlk növbədə, Tuurun ailəsi, komanda yoldaşları və klub daxilində və xaricində olan dostlarına səbr arzulayırıq”, – deyə mərhumun keçmiş klubu sosial şəbəkədə yazıb.
Flamand komandasının məlumatına görə, Tuur Hanke gözlənilmədən dünyasını dəyişib. Keçən ay o, “şəxsi səbəblər”i əsas gətirərək velosipeddən imtina edərək həyatında “yeni səhifə” açmağa qərar vermişdi. “İndi həyatda başqa şeylərdən həzz almağın vaxtıdır. Dörd unudulmaz ildən sonra yarışla vidalaşıram”, – deyə belçikalı sosial şəbəkələrdə yazmışdı.