Ağır çəkidə WBA, WBO, WBC və IBO çempionu Aleksandr Usık və keçmiş çempion Tayson Fyuri arasında keçiriləcək ikinci döyüş üçün pul mükafatları bəlli olub.
“The Sportster”in məlumatına görə, revanş matçının ümumi mükafat fondu 190 milyon dollar olacaq. Məbləğ Usikin xeyrinə, 60/40 nisbətində bölüşdürüləcək. Beləliklə, ukraynalı 114 milyon dollar, britaniyalı isə 76 milyon dollar qazana bilər.
Fyurinin Usiklə cavab döyüşü 2024-cü il dekabrın 21-dən 22-nə keçən gecə, Bakı vaxtı ilə 00:30-da Ər-Riyadda keçiriləcək.
Xatırladaq ki, onlar arasında bu ilin mayında baş tutan döyüş ukraynalı boksçunun qələbəsi ilə yekunlaşmışdı.