Xosep Qvardiola və Karlo Ançelotti 2024-cü ilin ən yaxşı məşqçisi mükafatı uğrunda mübarizədə əsas favoritlərdir.
FIFA-nın açıqladığı namizədlərin siyahısında 5 mütəxəssisin adı var.
Qvardiola “Mançester Siti”ni İngiltərə Premyer Liqasında ardıcıl dördüncü qələbəyə daşıyıbsa, italyan mütəxəssis isə “Real”la La Liqanın və Çempionlar Liqasının qalibi olub.
Namizədlər arasında, həmçinin tarixdə ilk dəfə Bundesliqanı qazanan “Bayer”li Xabi Alonso, İspaniya millisi ilə Avropa Çempionatının qalibi olan Luis de la Fuente və Amerika Kubokunda Argentina ilə yenidən qələbə qazanan Lionel Skaloni də var.
Ötən ilin sonunda mükafat Qvardiolaya təqdim olunub, Luçano Spaletti ikinci, Simone İnzaqi isə üçüncü olub.