Bu gün, noyabrın 29-da “Netflix” platformasında “Senna” mini serialının premyerası baş tutub. Layihə altı seriyadan ibarətdir.
Dram janrında çəkilən serial Formula 1 üzrə üçqat dünya çempionu, braziliyalı pilot Ayrton Sennanın həyat və karyerasından bəhs edəcək.
10 illik karyerası ərzində Ayrton Senna 41 qran-prinin qalibi olub və 65 dəfə poul qazanıb. Jurnalistlər Sennaya “Sehrbaz” və “Yağış adamı” ləqəbi veriblər.
Layihədə baş rollarda Qabriel Leoni, Kaya Skodelario, Mett Mella, Yohannes Heinriks, Co Hirst, Stiven Makintoş, Feliks Meyr, Patrik Kennedi, Rob Kompton və Leon Okenden çəkilib.