Ruud van Nistelroyun “Lester”ə baş məşqçi təyinatı rəsmiləşib. Bu barədə klubun mətbuat xidməti məlumat yayıb.
Tərəflər 2,5 illik müqavilə imzalayıblar.
Niderlandlı mütəxəssis bu vəzifədə bir neçə gün əvvəl istefaya göndərilən Stiv Kuperi əvəzləyib. O, Premyer Liqadakı uğursuz nəticələrdən sonra klubdan ayrılmışdı. “Lester” hazırda ölkə çempionatında 12 turdan sonra 10 xal toplayıb və 16-cı yerdədir. Komanda bu gün Premyer Liqada “Brentford”la üz-üzə gələcək.
Van Nistelroy isə bundan əvvəl “Mançester Yunayted”i müvəqqəti olaraq çalışdırıb. Həmin vaxt onun komandası Liqa Kuboku və Premyer Liqada 2 dəfə “Lester”i məğlub edib.