“Karvan”a qalib gəldiyimiz üçün sevincliyik. Maraqlı qarşılaşma oldu. Hər oyuna qələbə üçün çıxırıq və şükür ki, bu oyundan 3 xal ilə ayrıldıq”.
Bu sözləri futbolinfo.az saytına açıqlamasında “Qəbələ”nin futbolçusu Süleyman Damadayev deyib.
Müdafiəçi I Liqada çempion olaraq, yenidən elitaya qayıtmaq niyyətində olduqlarını bildirib: “Qəbələ” istənilən yarışda daim maksimum nəticə üçün oynuyur. İlk pilləyə qalxdığımız üçün sevinirik. Son tura qədər bu pilləni qoruyub, saxlamaq istəyirik. Çünki çempion olub, yenidən elitaya qayıtmaq kimi bir məqsədimiz var. Hazırda fikrimizi yalnız buna vermişik. Təcrübəli baş məşqçimizin tapşırıqlarını yerinə yetirərək, meydana çıxdığımız zaman maksimum gücümüz ilə komandaya kömək etməyə çalışırıq”.
Xatırladaq ki, qəbələlilər son turda Yevlaxda lider “Karvan”ı tək qolla yenərək yerlərini dəyişdilər.
GÜNAY SÜLEYMANOVA