“Neftçi” Azərbaycan çempionatlarında 20-ci dəfə böyük hesabla məğlub olub. Bu, Misli Premyer Liqasının XV turuna təsadüf edib.
“Ağ-qaralar” öz meydanında “Qarabağ”la görüşüb. Meydan sahibləri 0:3 hesabı ilə uduzublar. 1992-ci ildən ölkə çempionatlarının daimi iştirakçısı olan “Neftçi” 6 dəfə evdə, 14 dəfə səfərdə 3 və ya daha çox top fərqi ilə uduzub.
İlk belə məğlubiyyət 1992-ci il mövsümündə Sumqayıt “Xəzər”i ilə səfər matçına təsadüf edib – 0:3.