Los-Ancelesdə keçirilən oyunda əlamətdar hadisə baş verib. “Klippers” komandası doğma arenada “Denver Naggets”i məğlubiyyətə uğradıb. Oyun 126:122 hesabı ilə başa çatıb.
MBA-dakı görüşün qəhrəmanlarından biri qonaq komandanın ulduzu Nikola Yokiç olub. Serb basketbolçu meydançada olduğu 38 dəqiqə ərzində 28 xal toplayıb, 14 ribaund və 11 məhsuldar ötürmə edib. Bununla da o , tripl-dabllarının sayını 138-ə çatdıraraq Mecik Consonu haqlayıb.
Yokiç bu göstəriciyə Consondan 190 oyun daha tez çatıb. Hazırda o, tripl-dablların sayına görə MBA tarixinin üçüncüsüdür.