MBA-da bu gecə keçirilən oyunlar arasında “Yuta Caz” – “Los-Anceles Leykers” qarşılaşması əlamətdar olub. Qonaq komandanın lideri Lebron Ceyms bu oyunda tarixi nəticəyə imza atıb.
Lebron MBA karyerası ərzində oyunda 15 000-ci dəqiq atışını yerinə yetirib. Bu da onu liqa tarixində ikinci yerə çıxarıb. Hazırda bu göstəriciyə görə birinci yerdə əfsanəvi Kərim Əbdül Cabbardır. Onun aktivində 15 837 dəqiq atış olub.
Bu mövsüm Lebron çempionatın 20 oyununda meydançaya çıxıb. Bu oyunlarda onun orta göstəriciləri 22,6 xal, 9,4 asist və 8,1 ribaunda bərabərdir.