19 yaşadək qadın futbolçulardan ibarət Azərbaycan millisi Avropa çempionatının seçmə mərhələsində sonuncu oyununu keçirib.
Futbolinfo.az xəbər verir ki, B Liqasının 5-ci qrupunda yer alan millimiz meydan sahibi Kipr yığması ilə üz-üzə gəlib. Pafos şəhərində yerləşən “Peyia Municipal” stadionunda təşkil olunan görüş Kipr komandasının 3:0 hesablı qələbəsi ilə yekunlaşıb.
Qeyd edək ki, U-19 ilk iki oyununda İsveçrə (0:8) və Estoniya (0:3) seçmələri ilə qarşılaşıb.