Avropanın milli çempionatlarında 2024-2025 mövsümündə ən çox böyükhesablı qələbə qazanan komandaların siyahısı yenilənib.
Futbolinfo.az saytının məlumatına görə, Misli Premyer Liqasının 15-ci turunun “Neftçi” ilə oyunu “Qarabağ”ı qitənin zirvəsinə yüksəldib.
Əzəli rəqibini səfərdə 3:0 hesabı ilə məğlub edən ağdamlılar bununla cari mövsüm ölkə çempionatında 3 və ya daha böyük fərqli qalibiyyət sayını 8-ə çatdırıb. Qurban Qurbanovun yetirmələrinə bunun üçün 14 qarşılaşma kifayət edib.
Serbiya klubu “Srvena Zvezda” da “Qarabağ”la eyni sayda darmadağına sevinib. Lakin belqradlılar bir oyun artıq keçirdikləri üçün ikinci pillədə qərarlaşırlar. Cəbəllütariq çempionatında rəqiblərini 7 dəfə darmadağın edən “Linkoln” ilk “üçlüy”ü qapayır.